Ministrja e Tregtisë, Mimoza Kusari-Lila, ka deklaruar se zyrtarisht asnjëherë nuk i është bërë ftesë për t'u shkrihur në Lëvizjen Vetëvendosje, parti që udhëhiqet nga Albin Kurti. Ajo theksoi se si udhëheqëse e Alternativës, një parti liberale qendre, ka mbajtur dhe vazhdon të mbajë bindjet e saj, të cilat janë një vlerë në bashkëpunimin me Vetëvendosjen, por pa nevojën e unifikimit apo uniformizimit. Kusari-Lila theksoi se bashkëpunimi mes partive nuk nënkupton domosdoshmërisht bashkim të plotë. Këto deklarata u bënë gjatë emisionit Rubikon, ku ajo diskutoi për zhvillimet politike aktuale në Kosovë.