Mimoza Kusari-Lila ka deklaruar se Vjosa Osmani nuk kishte të garantuara të gjitha votat për rizgjedhjen si presidente, madje as nga grupi parlamentar i Lëvizjes Vetëvendosje. Ajo tha se kishte indikacione të qarta se disa deputetë nuk do ta mbështesnin Osmanin në votimin në Kuti, dhe se as votat nga LDK nuk ishin të sigurta, pavarësisht deklaratave të kryetarit të LDK-së, Lumir Abdixhiku. Kusari-Lila nuk ka specifikuar nëse votat kundër ishin nga partneri Guxo, duke thënë se kjo duhet të sqarohet nga vetë kjo parti. Ajo gjithashtu vlerësoi punën e Osmanit gjatë mandatit të saj pesëvjeçar, por kritikoi nguturimin me dekretin për shpërndarjen e Kuvendit.