Juristja e medias Flutura Kusari ka ngritur shqetësimin për rritjen e sulmeve ndaj gazetarëve në Kosovë, duke theksuar se burimi kryesor i këtyre sulmeve është Vetëvendosja dhe kryeministri Albin Kurti. Ajo ka vënë në dukje se numri i sulmeve ndaj gazetarëve është katërfishuar që nga ardhja në pushtet e Kurtit, duke paralajmëruar për rrezikun e dehumanizimit të mediave për shkak të gjuhës së përdorur nga LVV-ja. Kusari ka kritikuar deklaratën e fundit të Kurtit, duke e cilësuar atë si një përpjekje për të betonuar narrativën se armiku kryesor i Kosovës janë mediat dhe për të delegjitimuar zërat kritikë. Ajo gjithashtu ka shprehur habi që pas raportit të Këshillit të Evropës, i cili evidentoi përkeqësimin e lirisë së medias në Kosovë dhe gjetjet për gjuhën delegjituese të LVV-së, qeveria nuk ka reflektuar ende mbi këtë çështje.