Gjykata Kushtetuese e Kosovës po vazhdon shqyrtimin e dekretit të presidentes Vjosa Osmani për shpërndarjen e legjislaturës së 10-të të Kuvendit, ndërsa kanë mbetur vetëm 8 ditë deri në skadimin e masës së përkohshme që ndalon veprimet në lidhje me këtë dekret. Ky dekret u nxorr pasi Kuvendi dështoi të zgjedhë presidentin brenda afatit kushtetues, ndërkohë që mandati i presidentes përfundon më 4 prill. Juristi Anton Nrecaj ka shpjeguar se Kushtetuesja mund të vendosë ose të konfirmojë ligjshmërinë e dekretit dhe të lejojë zgjedhjet e jashtëzakonshme, ose ta shpallë atë kundërkushtetues dhe të japë një afat 60-ditor për zgjedhjen e presidentit. Analisti Afrim Kasolli thekson rëndësinë që Gjykata të sqarojë të gjitha dilemat kushtetuese dhe të përcaktojë qartë se si duhet të veprojë Kuvendi në këtë situatë, duke mos neglizhuar detyrimet kushtetuese.