Shefi i Grupit Parlamentar të Aleancës për Ardhmërinë e Kosovës, Besnik Tahiri, ka bërë thirrje që Kuvendi i Kosovës të vendosë një memorial për ish-kongresistin amerikan Eliot Engel në ambientet e tij, për të përkujtuar përgjithmonë kontributin e tij të jashtëzakonshëm për Kosovën. Gjatë një seance përkujtimore të iniciuar nga Ramush Haradinaj, Tahiri vlerësoi Engel si një nga mbështetësit më të mëdhenj të Kosovës, i cili që nga vitet e represionit ngriti zërin në Kongresin amerikan për të drejtat e shqiptarëve dhe mbështeti fuqishëm ndërhyrjen e NATO-s.