Nesër, më 10 prill 2026, në ora 10:00 do të mbahet seanca e radhës e Kuvendit të Kosovës ku do të shqyrtohen dhe votohet një sërë marrëveshjesh kredie me institucione ndërkombëtare si Asociacioni Ndërkombëtar për Zhvillim, Agjencia Franceze për Zhvillim dhe KfW për projekte në sektorin financiar, energjetik dhe të transportit në Ballkanin Perëndimor. Përveç kësaj, në rend dite janë edhe pyetje parlamentare, deklarime jashtë rendit të ditës dhe votimi i një propozim-rezolute që trajton rritjen e çmimeve të naftës dhe mungesën e ndërhyrjes së Qeverisë, duke nxjerrë në pah ndikimin në koston e jetesës dhe stabilitetin ekonomik të vendit. Gjithashtu, do të bëhet zgjedhja e një anëtari joprokuror në Këshillin Prokurorial të Kosovës dhe shqyrtimi i një propozim-rezolute për mbrojtjen e së vërtetës historike të luftës në Kosovë 1998–1999. Në fund pritet edhe propozimi i grupeve parlamentare të PDK-së dhe AAK-së për emërimin e deputetëve në komisionet parlamentare.