Deputeti i Aleancës për Ardhmërinë e Kosovës, Besnik Tahiri, ka denoncuar situatën e rënduar në Kuvendin e Kosovës, duke e cilësuar atë si jofunksional dhe të uzurpuar në mënyrë antiligjore. Ai theksoi se po pamundësohet ushtrimi i funksionit të deputetëve dhe se 17 ministra po ushtrojnë detyrat në mënyrë të paligjshme, duke shkelur normat kushtetuese dhe juridike. Aleanca, në koordinim me partitë opozitare, ka kërkuar takim me kryesuesin e seancës konstituive, Avni Dehari, por nuk ka marrë asnjë përgjigje deri tani. Tahiri kërkon që Prokuroria të ndërhyjë menjëherë për të adresuar këtë krizë institucionale dhe për të garantuar funksionimin normal të Kuvendit.