Deputetët e Kuvendit të Kosovës pritet të mblidhen sonte në mbrëmje për të vazhduar procesin e konstituimit të legjislaturës së re, me fillim rreth orës 20:00 ose 21:00. Në këtë seancë, Lëvizja Vetëvendosje planifikon të propozojë kandidatin për kryetar të Kuvendit, por kjo do të ndodhë vetëm nëse arrihet një marrëveshje politike me Lidhjen Demokratike të Kosovës. Aktualisht, po zhvillohet një takim mes Albin Kurtit dhe Lumir Abdixhikut, ku fokusi është arritja e një marrëveshjeje, sidomos për çështjen e presidentit. Ndërsa Abdixhiku thekson se konstituimi duhet të bëhet sot dhe LDK-ja nuk do të nënshtrohet, Kurti paralajmëron se zhvillimet do të vijnë vetëm pas arritjes së marrëveshjes.