Kuvendi i Kosovës ka shpallur një konkurs të ri për pozitën e sekretarit, pasi asnjëri nga dy kandidatët e përzgjedhur, Arben Loshi dhe Tualant Bajrami, nuk morën votat e nevojshme për t’u zgjedhur. Ky vendim u mor më 30 mars 2026 dhe u nënshkrua nga kryetarja e Kuvendit, Albulena Haxhiu. Më parë, Haxhiu kishte shkarkuar Arben Loshin nga pozita e ushtruesit të detyrës së sekretarit dhe kishte emëruar në vend të tij Xheladin Hoxhën, pavarësisht se Loshi ishte kandidati që kishte dalë i pari në konkurs. Veprimi i kryetares së Kuvendit u kritikua nga shoqëria civile dhe monitoruesit ndërkombëtarë, të cilët ngritën akuza për shkelje të procesit të konkursit.