Kuvendi i Odës së Inxhinierëve të Republikës së Kosovës (OIRK) zhvilloi mbledhjen me pjesëmarrje të gjerë dhe miratoi disa dokumente dhe vendime kyçe për funksionimin e Odës. Në këtë mbledhje u prezantuan raporti vjetor i punës për vitin 2025, raportimi financiar për të njëjtin vit dhe planifikimi financiar për vitin 2026, si dhe vlerësimi i Komisionit Mbikëqyrës mbi veprimtarinë e organeve të Odës. Me votim u miratuan dy rregullore të rëndësishme që synojnë të përmirësojnë funksionimin institucional dhe administrativ të OIRK-së, si dhe një rezolutë lidhur me kategorizimin dhe çmimet referuese në fushën e ndërtimit. Oda falënderoi anëtarët, Komisionin Mbikëqyrës dhe mysafirët për kontributin dhe përkrahjen, ndërsa vendimet e miratuara do të publikohen së shpejti.