Parlamenti shqiptar miratoi me shumicë votash shkarkimin e Belinda Ballukut nga posti i zëvendëskryeministres dhe ministres së Infrastrukturës dhe Energjisë, duke marrë 85 vota pro dhe asnjë kundër. Në të njëjtën seancë u votuan edhe shkarkimet e disa ministrave të tjerë, përfshirë Elisa Spiropalin, Pirro Vengun, Albana Koçiun, Besfort Lamallarin dhe Toni Gogun. Pas shkarkimeve, Kuvendi miratoi dekretet e presidentit për emërimin e ministrave të rinj në pozitat kyçe të qeverisë, ku Albana Koçi mori postin e zëvendëskryeministres me 83 vota pro dhe 3 kundër. Ministrat e rinj të emëruar përfshijnë Ferit Hoxhën në Punët e Jashtme, Besfort Lamallarin në Punët e Brendshme, Ermal Nufin në Mbrojtje, Toni Gogun në Drejtësi, Enea Karakaçin në Infrastrukturë dhe Energjia, si dhe Erjona Ismailin ministre të Shtetit për Marrëdhëniet me Parlamentin, të gjithë me shumicë votash në Kuvend.