Profesori serb Dejan Miroviq ka deklaruar se mbi 30 serbë janë larguar nga institucionet shëndetësore dhe arsimore që funksionojnë në kuadër të strukturave serbe në Kosovë, për shkak të qëndrimeve të tyre politike kundër interesave të komunitetit serb dhe aktivitetit të cilësuar si nacionalist në rrjetet sociale. Ai përmend një seri ngjarjesh të dhunshme dhe tensione të thella brenda komunitetit serb, duke lidhur vrasjet e politikanëve serbë, sulmin në Banjskë dhe sulme të tjera me urdhrat e Listës Serbe dhe presidentit Vuçiq. Sipas Miroviq, ata që refuzojnë të marrin pjesë në tubimet politike të organizuara nga Lista Serbe po përballen me largime masive nga vendet e punës në arsim dhe shëndetësi. Ai gjithashtu vlerëson se kjo situatë është pjesë e një strategjie për të kontrolluar komunitetin serb dhe për të shtypur zërat kritikë brenda tij.