Lidhja Demokratike e Kosovës ka denoncuar sulme të koordinuara digjitale ndaj profileve zyrtare të kandidatit të tyre për kryeministër, Lumir Abdixhiku. Sipas LDK-së, sulmet përfshijnë përdorimin e profileve të rreme, ndërhyrje automatizuar dhe aktivitete sinkronizuar që synojnë të krijojnë një perceptim publik të manipuluar dhe të përgatitin terrenin për fushata diskreditimi. Partia e konsideron këtë një ndërhyrje hibride që rrezikon procesin demokratik dhe do ta adresojë çështjen në Policinë e Kosovës për trajtim urgjent dhe profesional. Megjithatë, LDK thekson se as propaganda, as frika, as sulmet nuk do të ndalojnë komunikimin e tyre me qytetarët dhe bashkimin që po ndodh në vend.