Deputeti i LDK-së, Anton Quni, ka deklaruar se në takimin e Grupit Parlamentar do të njoftohen për bisedat e kryetarit të partisë, Lumir Abdixhiku, me kryeministrin Albin Kurti. Ky takim i tretë mes Abdixhikut dhe Kurtit ka pasur në fokus zgjedhjen e presidentit ose presidentes së Kosovës. Quni theksoi se vendimet do të merren brenda strukturave të partisë dhe ai do të pajtohet me vendimin që do të merret në mbledhje. Ai shtoi se pas marrjes së informacionit nga Abdixhiku, do të zhvillohet debat dhe do të merren vendimet e duhura për këtë çështje.