Deputeti i Lidhjes Demokratike të Kosovës, Arben Gashi, ka theksuar se LDK-ja nuk ndalet nga asnjë presion apo sfidë, duke e bazuar forcën e saj në vlerat dhe jo në pushtet. Ai u shpreh pas konfirmimit të Lumir Abdixhikut në krye të partisë se demokracia dhe liria janë themeli dhe shpirti i LDK-së, ndërsa veprimi politik dhe qëndrimi për të vërtetën janë misioni dhe arsyeja e ekzistencës së saj. Gashi theksoi se angazhimi i tij në politikë është për të ndërtuar një LDK më të fortë, demokratike dhe besnike ndaj idealeve, duke mos u përqendruar në interesa të përkohshme. Ai shprehu besimin se vetëm një LDK e tillë mund t’i prijë Kosovës drejt së ardhmes që e meriton.