Një ditë para mbajtjes së Kuvendit të jashtëzakonshëm të Lidhjes Demokratike të Kosovës (LDK), ish-deputetja dhe nënkryetarja e Degës së LDK-së në Vushtrri, Rrezarta Krasniqi, ka bërë thirrje për zgjedhje të brendshme në parti. Ajo thekson se vetëm përmes një procesi demokratik dhe zgjedhjeve të lira, të ndershme dhe gjithëpërfshirëse, LDK-ja mund të ringrihet pas rezultateve të fundit zgjedhore. Krasniqi nënvizon se LDK-ja nuk është pronë e askujt, por një shtëpi e përbashkët politike që duhet të vendoset nga anëtarësia, duke rikthyer besimin dhe forcuar partinë për sfidat e ardhshme. Ajo shton se demokracia brenda partisë është thelbësore për të fituar besimin e qytetarëve dhe për të garantuar një të ardhme të fortë dhe fituese për Kosovën.