Një grup i politikanëve seniorë brenda Lidhjes Demokratike të Kosovës, i njohur si “Anti-Abdixhik”, pretendon se ka siguruar firmat e nevojshme për të thirrur Kuvendin e Jashtëzakonshëm të partisë. Kjo nismë ka për qëllim shkarkimin e kryetarit aktual, Lumir Abdixhiku, pas pakënaqësive lidhur me rezultatin e dobët të LDK-së në zgjedhjet e 7 qershorit. Sipas burimeve të afërta me grupin rebel, tashmë është mbledhur një e treta e firmave të delegatëve, që hap rrugën për ngritjen formale të çështjes së votëbesimit, ndërsa po punohet për sigurimin e shumicës prej “50 plus 1” për qind. Kryetari i degës së Pejës, Gazmend Muhaxheri, po udhëheq këtë proces duke vizituar njësitë e partisë nëpër komunat e tjera për të mbledhur nënshkrimet, ndërkohë që Abdixhiku ka refuzuar të japë dorëheqjen, duke kërkuar largimin e atyre që kërkojnë shkarkimin e tij.