Mbrëmë në zyrat e Lëvizjes Vetëvendosje në Prishtinë u mbajt një mbledhje me drejtuesit e qendrave në Kosovë dhe mërgatë, ku morën pjesë edhe krerët e lartë të subjektit politik, përfshirë Kryeministrin Albin Kurti, Sekretarin Organizativ Alim Rama, Kryetaren e Kuvendit Albulena Haxhiu dhe deputetin Salih Zyba. Në takim u diskutua për zhvillimet e fundit politike në vend dhe për çështje organizative që lidhen me funksionimin e përditshëm të strukturave të partisë. Një nga temat kryesore ishte procesi i zgjedhjeve të brendshme që do të zhvillohen gjatë vitit 2026, ku aktivistët do të organizojnë zgjedhjet në lagje e fshatra për të freskuar dhe plotësuar pozicionet drejtuese dhe për të rritur përfshirjen e mbështetësve. Lëvizja Vetëvendosje thekson se strukturat e saj në Kosovë dhe mërgatë janë të gatshme për angazhim politik dhe organizativ, duke synuar konsolidimin e mëtejshëm të strukturave në të tria nivelet drejtuese.