Lëvizja Vetëvendosje ka njoftuar se gjatë këtij viti do të mbajë zgjedhje të brendshme, një çështje që u diskutua në takimin e fundit të kryetarit Albin Kurti me përfaqësues të qendrave të partisë. Kurti falënderoi strukturat e partisë për angazhimin e tyre në fushatën zgjedhore dhe në ditën e votimit, duke theksuar se puna e tyre ka qenë vendimtare për fitoren e madhe dhe të përsëritur të LV-së. Në të njëjtin takim u trajtuan edhe çështje organizative të përgjithshme, duke përfshirë përgatitjet për zgjedhjet e brendshme që pritet të zhvillohen brenda këtij viti. Ndërkohë, edhe partitë e tjera si Partia Demokratike e Kosovës dhe Lidhja Demokratike e Kosovës po përgatiten për ndryshime dhe riorganizime pas zgjedhjeve të 7 qershorit.