Ministrja në detyrë e Industrisë, Ndërmarrësisë, Tregtisë dhe Inovacionit, Mimoza Kusari-Lila, mori pjesë në një pritje me Sekretarin Shtetëror për Çështjet Evropiane dhe Ndërkombëtare të Landit të Nordrhein-Westfalen, Christian Wiermer, gjatë vizitës së tij në Kosovë. Në këtë takim u diskutuan bashkëpunimi institucional, marrëdhëniet ekonomike dhe mundësitë për thellimin e partneritetit ndërmjet Kosovës dhe Gjermanisë. Kusari-Lila theksoi rolin kyç të diasporës kosovare në Gjermani, veçanërisht në Nordrhein-Westfalen ku jetojnë mbi 150 mijë pjesëtarë të saj, të cilët kontribuojnë në lidhjet njerëzore, investimet dhe zhvillimin ekonomik të Kosovës. Ajo e përshkroi diasporën si një urë të fuqishme që forcon bashkëpunimin dhe shërben si bazë për avancimin e marrëdhënieve mes dy vendeve.