Shteti shqiptar ka miratuar një ligj të ri për lojërat e fatit, i cili synon të mbrojë familjet, të rinjtë dhe shoqërinë nga pasojat negative të kumarit. Ky ligj vendos distancë minimale prej 500 metrash nga shkollat, ndalon reklamimin agresiv dhe vendos kufizime të reja për industrinë e lojërave të fatit. Organizata VLEN thekson se këto masa janë për të mbrojtur ekonominë familjare, për të parandaluar varësinë dhe degradimin social të të rinjve, si dhe për të ruajtur rendin moral dhe shoqëror. Për herë të parë pas shumë vitesh, shteti po vendos interesat e qytetarëve para atyre financiare të industrisë së kumarit, duke e konsideruar këtë një detyrë morale dhe institucionale.