Aleanca për Shqiptarët shpreh shqetësim të thellë për propozimligjin e ri që, sipas tyre, nuk garanton përfaqësim të drejtë dhe madje dobëson pozitën e shqiptarëve në institucionet shtetërore. Ata theksojnë se ligji prek parimet kushtetuese dhe kërkon një debat real dhe mekanizma efektivë për mbrojtjen e interesave të komunitetit shqiptar, të cilat mungojnë në këtë draft. Deputeti Halil Snopçe nënvizon se OBRM-PDUKM-ja e pranon ligjin për të shmangur vonesa në procesin e integrimit evropian, duke e përdorur këtë version për të siguruar interesat e tyre. Gjithashtu, Aleanca kritikon heshtjen e VLEN-it, i cili pas largimit të ASH-së nga qeveria ka qëndruar pasiv, duke lejuar partnerët e koalicionit të formësojnë ligjin sipas interesave të tyre.