Kreu i NISMËS Socialdemokrate, Fatmir Limaj, ka paralajmëruar se vendi mund të futet në një cikël të vazhdueshëm zgjedhjesh nëse partitë politike nuk ndryshojnë qasjen e tyre. Ai theksoi se zgjedhjet e ardhshme nuk do të sjellin ndryshim real, por do të jenë thjesht një "rivotim" i të njëjtës situatë politike. Limaj theksoi se zgjedhjet mund të përsëriten edhe në vjeshtë nëse nuk ka një mobilizim të vërtetë të qytetarëve dhe një kauzë që i motivon ata të votojnë. Ai nënvizoi nevojën për ndryshim thelbësor në përmbajtje dhe strategji për të shmangur këtë cikël të pafund zgjedhjesh.