Opinionisti Dardan Sejdiu ka deklaruar në emisionin “Rubikon” se ish-krerët e UÇK-së, Hashim Thaçi, Kadri Veseli, Jakup Krasniqi dhe Rexhep Selimi, pritet të lirohen më 16 shtator. Ai thekson se partitë politike, përfshirë LVV dhe PDK, nuk kanë interes për një zgjidhje të çështjes së institucioneve para kësaj date dhe se kryeministri Albin Kurti po llogarit edhe në vendimin e Gjykatës Speciale. Sejdiu e konsideron të padrejtë procesin ndaj tyre, duke argumentuar se nuk ka prova të mjaftueshme për akuzat dhe shpreh bindjen se ata do të dalin të lirë. Ndërkohë, deri në shtator Kosova pritet të vazhdojë me ushtrues detyre të presidentit, pa një president të ri të zgjedhur.