Procesi i intervistimit dhe përzgjedhjes së kandidatëve për anëtarë të Bordit të Radio Televizionit të Kosovës (RTK) është përmbyllur me sukses pas një pune intensive disa javore, ka bërë të ditur deputetja Arbërie Nagavci, e cila ka udhëhequr Komisionin përgjegjës. Ajo ka theksuar se procesi është zhvilluar me përkushtim, seriozitet dhe synim transparence, profesionalizmi dhe meritokracie, ndërsa lista e kandidatëve tashmë është dërguar për shqyrtim në Kryesinë e Kuvendit dhe pritet të votohet në seancë plenare.