Kryetari i Listës Serbe, Zllatan Ellek, ka deklaruar se kjo parti ka fituar 10 mandate në zonat ku jeton komuniteti serb në Kosovë, duke marrë rreth 42,166 vota. Ai ka akuzuar Partinë për Liri, Drejtësi dhe Mbijetesë të Nenad Rashiqit për marrjen e votave në zona ku nuk jeton komuniteti serb, duke e cilësuar këtë si “inxhinieri politike”. Zyrtari i Listës Serbe, Igor Simiq, ka thënë se një mandat po vidhet nga populli serb për shkak të votave të shqiptarëve që kanë shkuar për Rashiqin. Me 98% të votave të numëruara, Lista Serbe ka marrë rreth 40,000 vota, ndërsa partia e Rashiqit rreth 5,000, duke reflektuar një përplasje të fortë për mandatin e dhjetë të rezervuar për serbët në Kuvendin e Kosovës.