Ish-kandidati për deputet nga Partia Socialdemokrate, Nol Nushi, ka akuzuar kryetarin e Lëvizjes Vetëvendosje, Albin Kurti, dhe atë të Lidhjes Demokratike të Kosovës, Lumir Abdixhiku, se po bëjnë “lojë” duke kalkuluar për interesat personale dhe jo për ato të partive të tyre. Sipas Nushit, Kurti po tenton të zvarrisë procesin e formimit të institucioneve për të fituar kohë dhe për të qenë në pozicion të favorshëm në rast të zgjedhjeve të reja, ndërsa Abdixhiku po përfiton nga situata për të forcuar pozitën e tij brenda LDK-së. Ai kritikoi gjithashtu interpretimin e afateve kushtetuese nga VV-ja, duke theksuar se ato po përshtaten sipas interesave të tyre dhe jo sipas Kushtetutës. Nushi përfundon duke theksuar se Kurti, edhe në opozitë, ka mbështetje të lartë elektorale dhe nuk ka asgjë për të humbur nga zgjedhjet e reja, ndërsa shteti vazhdon të jetë në një situatë të paqëndrueshme me qeverinë në detyrë.