Avni Islami, njohës i çështjeve të sigurisë, ka reaguar ashpër ndaj deklaratave të Petar Petkoviqit, drejtor i së ashtuquajturës Zyrë për Kosovën në Qeverinë e Serbisë. Petkoviqi ka akuzuar institucionet e Kosovës dhe kryeministrin Albin Kurti për ushtrimin e “terrorit institucional” ndaj komunitetit serb, veçanërisht pas arrestimit të shtatë drejtuesve të institucioneve serbe. Islami e cilëson këtë si një përpjekje për të ndikuar në proceset politike dhe zgjedhore në Kosovë, duke përdorur një narrativë të krijuar për të diskredituar institucionet dhe për të krijuar një krizë artificiale etnike.