Kryetari i LDK-së dhe kandidati për kryeministër, Lumir Abdixhiku, së bashku me ish-presidenten Vjosa Osmani, zhvilluan një takim në Podujevë në kuadër të platformës “Hajde Folim”. Gjatë këtij takimi, ata morën pyetje, sugjerime dhe dëgjuan shqetësimet, shpresat dhe pritjet e qytetarëve të Llapit për vendin. Abdixhiku theksoi se kjo përvojë i dha perspektivën më të vlefshme elektorale, duke e quajtur politikën një udhëtim bashkë me qytetarët, jo një pritje prej tyre. Ai nënvizoi se politika e vërtetë nuk bëhet larg njerëzve, por mes tyre, duke theksuar rëndësinë e takimeve ballëhapur dhe faqebardhë me qytetarët në këtë parafushatë zgjedhore.