Berat Luzha ka folur për përvojën e tij politike gjatë viteve ’90, duke theksuar se ndonëse ndihej më afër ideologjikisht me Lëvizjen Popullore të Kosovës (LPK), ai iu bashkua Lidhjes Demokratike të Kosovës (LDK) për të vepruar më lehtë në Kosovë. Ai u zgjodh deputet në Kuvendin e atëhershëm dhe anëtar i Këshillit të Përgjithshëm të LDK-së në vitin 1992, megjithatë pranoi se kishte dallime në qasje me partinë ku ishte pjesë. Luzha theksoi se për të bërë ndryshime dhe për të vepruar në rrethanat e asaj kohe, ishte e nevojshme të ishte pjesë e LDK-së, pasi veprimi si pjesë e LPK-së ishte shumë i vështirë. Megjithatë, ai nuk e la mbështetjen për LPK-në, duke thënë se e ka përkrahur deri në fund sa ka mundur dhe sa ka ditur.