Deputetja e Lëvizjes Vetëvendosje, Arbëreshë Kryeziu-Hyseni, ka bërë të ditur se brenda partisë së saj po zhvillohen diskutime intensive për zgjedhjen e presidentit të ri të Kosovës. Ajo theksoi se edhe në Lidhjen Demokratike të Kosovës po punohet për të gjetur një emër konsensual që do të mbështetet nga të dyja partitë. Procesi është duke u zhvilluar në organet kompetente të LVV-së dhe LDK-së, dhe pritet që krerët e dy subjekteve të takohen së shpejti për të diskutuar propozimet e dala nga këto bisedime të brendshme. Deputetja u shpreh optimiste se brenda ditëve në vijim do të ketë një takim të ri për të avancuar në zgjedhjen e kandidatit për president, ndërsa theksoi se mungesa e informacionit publik nuk do të thotë mungesë të zhvillimeve, pasi partitë po tregohen të kujdesshme në këtë proces.