Deputetët e LVV-së kanë dhënë të gjitha nënshkrimet e tyre për dy kandidatët për president, Glauk Konjufca dhe Fatmire Kollçaku, duke e konsumuar kështu këtë mundësi për grupin parlamentar. Juristët dhe njohësit e Kushtetutës vlerësojnë se, megjithatë, seanca për zgjedhjen e presidentit mund të vazhdojë pasi nuk janë ezauruar tri raundet e votimit brenda afatit kushtetues. Gjykata Kushtetuese pritet të marrë një vendim të balancuar lidhur me dekretin e presidentes Osmani për shpërndarjen e Kuvendit, duke marrë parasysh shkeljen e afatit 30-ditor, por duke theksuar se kjo nuk e justifikon automatikisht shpërndarjen e Kuvendit. Në këtë proces, kërkesa e kryeparlamentares Albulena Haxhiu për obligimin e deputetëve të qëndrojnë në sallë mund të ndikojë në vendimin e Gjykatës Kushtetuese.