Lëvizja Vetëvendosje do të mbajë nesër një mbledhje të Këshillit të Përgjithshëm, ku do të diskutohet edhe për çështjen e Presidentit të Kosovës. Kryeministri Albin Kurti njoftoi se, megjithëse mbledhja nuk është thirrur veçanërisht për këtë temë, ajo do të trajtohet si pjesë e agjendës. Kurti paralajmëroi se LVV do të propozojë së shpejti një kandidat për president, duke theksuar se nuk ka ende një emër të përcaktuar, por se do të ketë një garë demokratike dhe të hapur brenda partisë. Ai gjithashtu vuri në dukje se viti 2026 është vit zgjedhor për LVV dhe se sfidat e ardhshme do të kërkojnë përgatitje të reja dhe vendime të rëndësishme.