Deputetja e zgjedhur e LDK-së, Janina Ymeri, ka hedhur akuza të forta ndaj administratës së Albin Kurtit, duke thënë se ajo është e kapur nga mafia energjetike. Ajo theksoi se nuk i është vërtetuar kurrë që energjia elektrike nuk merret nga Vuk Hamoviq, duke sugjeruar lidhje të dyshimta në sektorin energjetik. Sipas Ymerit, refuzimi i gazit amerikan nuk lidhet me ndonjë inat ndaj SHBA-së, por me interesat e fitimit dhe profiterizmin që favorizojnë importin mbi prodhimin vendas. Ajo akuzoi gjithashtu se këto interesa kanë ekzistuar edhe para ardhjes në pushtet dhe vazhdojnë të ndikojnë në vendimmarrje.