Ministri për Kthim dhe Komunitete, Nenad Rashiq, deklaroi se nuk ka dështuar zgjedhja e presidentit të ri, por ka skaduar mandati i ish-presidentes Vjosa Osmani. Ai theksoi se sipas Kushtetutës dhe interpretimit të juristëve, mandati i Osmanit ka përfunduar dhe lind pyetja nëse ajo ka të drejtë të shpërndajë Parlamentin. Rashiq shpjegoi se pas skadimit të mandatit, ekziston një periudhë 60-ditore për zgjedhjen e presidentit të ri, dhe nëse kjo nuk ndodh, shpërndarja e Kuvendit do të jetë automatike. Ai gjithashtu theksoi se vendimin përfundimtar duhet ta marrë Gjykata Kushtetuese dhe se partia e tij është e gatshme për zgjedhje të reja, pavarësisht lodhjes së qytetarëve nga proceset e shpeshta zgjedhore.