Zëdhënësi i Qeverisë së Kosovës dhe i Vetëvendosjes, Arlind Manxhuka, ka reaguar ndaj raportimeve që thonë se kryeministri Albin Kurti përdor një veturë të blinduar me vlerë 500 mijë euro. Ai i ka quajtur këto lajme të rreme dhe ka theksuar se çmimi i përmendur është shumë më i ulët se sa pretendimet në media. Manxhuka ka sqaruar se automjetet në fjalë janë asete shtetërore, të blera nga buxheti i shtetit dhe përdoren nga Policia e Kosovës në funksion të detyrave zyrtare. Ai gjithashtu ka kritikuar logjikën sipas së cilës asetet publike supozohet të kthehen në pronësi private, duke e cilësuar atë si një mentalitet të së kaluarës.