Platforma qytetare “Liria ka Emër” organizon Marshin për Liri më 12 shtator në Prishtinë, nën moton “Kosova po pret”, katër ditë para verdiktit të Dhomave të Specializuara në Hagë për themeluesit dhe drejtuesit e Ushtrisë Çlirimtare të Kosovës (UÇK). Aktivitetet do të zhvillohen në shtatë zonat ku ka vepruar UÇK-ja, me vizita dhe bashkëbisedime simbolike të quajtura “Netët e Lirisë”, ku pjesëmarrësit do të rikujtojnë sakrificat dhe do të forcojnë motivin për liri të përjetshme.