Më 12 shtator në Prishtinë do të mbahet një marsh në mbështetje të ish-krerëve të Ushtrisë Çlirimtare të Kosovës, katër ditë para vendimit final të Gjykatës Speciale në Hagë. Platforma “Liria Ka Emër” ka organizuar këtë aktivitet me moton “KOSOVA PO PRET”, duke ftuar edhe liderët e katër partive më të mëdha të vendit për pjesëmarrje. Deputetja e zgjedhur e Lëvizjes Vetëvendosje, Arbërie Nagavci, ka theksuar rëndësinë e unitetit dhe maturisë në këtë moment delikat, duke kundërshtuar çdo përpjekje për përvetësim partiak të kësaj çështjeje që lidhet me luftën dhe shtetformimin e Kosovës. Ajo ka rikujtuar qëndrimin publik të Vetëvendosjes kundër themelimit të Gjykatës Speciale dhe ka bërë thirrje për reflektim institucional dhe shoqëror para marrjes së vendimit më 16 shtator, duke theksuar se çdo veprim duhet të jetë në interes të vendit dhe të familjeve të të akuzuarve.