Ministrja në detyrë e Mjedisit dhe Planifikimit Hapësinor, Fitore Pacolli, ka prezantuar një pako qeveritare me vlerë 1 milion euro për luftën kundër mbeturinave dhe deponive ilegale në Kosovë. Programi përfshin pastrimin e hapësirave jashtë vendbanimeve, rritjen e kapaciteteve inspektuese dhe vendosjen e një sistemi të gjobitjes dhe pagesës për ndotësit. Pacolli ka paralajmëruar masa të ashpra ligjore dhe ndëshkime financiare ndaj komunave që nuk pastrojnë zonat urbane, duke theksuar se nuk do të ketë më tolerancë ndaj ndotjes së ambientit. Për të menaxhuar situatën, është themeluar një grup operativ për emergjencën e mbeturinave dhe janë nisur patrullime të shtuara dhe inspektime në terren, me qëllim largimin e rreth 500 deponive ilegale në të gjithë vendin.