Më 17 prill 1999, në fshatin Poklek të Drenicës, 53 civilë shqiptarë të paarmatosur, përfshirë gra shtatzëna dhe foshnje, u vranë në një masakër të kryer nga forcat e armatosura serbe. Trupat e viktimave u dogjën më pas në përpjekje për të fshehur gjurmët e krimit, ndërsa kujtimi i tyre ruhet sot në shtëpinë-muze të familjes Muqolli, e mbështetur institucionalisht nga Republika e Kosovës. Kryeministri Albin Kurti theksoi rëndësinë e dokumentimit dhe ruajtjes së dëshmive për të vërtetën historike dhe drejtësinë, duke riafirmuar përkushtimin për të mos harruar dhe për të kërkuar drejtësi për viktimat. Përkujtimi i tyre mbetet një obligim institucional dhe shoqëror, ndërsa krimet e luftës nuk parashkruhen dhe kërkesa për drejtësi vazhdon pa ndërprerje.