Ministria e Arsimit dhe Shkencës (MASh) ka urdhëruar Drejtoritë Komunale të Arsimit dhe shkollat fillore e të mesme të ulëta që të organizojnë shpërndarjen dhe mbledhjen e një Deklarate nga prindërit ose kujdestarët ligjorë të nxënësve të klasave 1-9 për vitin shkollor 2026-2027. Në këtë deklaratë, prindërit duhet të konfirmojnë se mjetet e subvencionuara janë përdorur për blerjen e teksteve shkollore dhe se nxënësi i ka ato në dispozicion. Gjithashtu, ata duhet të pranojnë mundësinë e verifikimit nga institucionet kompetente lidhur me përdorimin e këtyre mjeteve. MASh kërkon që tekstet e destinuara për ripërdorim të kthehen në shkollë në gjendje të përshtatshme në përfundim të vitit shkollor, ndërsa procesi i plotësimit dhe dorëzimit të deklaratave duhet të përfundojë deri më 1 tetor 2026.