Organizata Albanians for America (AFA) ka vlerësuar vizitën e kongresistëve amerikanë Keith Self dhe Suhas Subramanyam në Kosovë si një sinjal të fuqishëm të mbështetjes bipartizane të Shteteve të Bashkuara për shqiptarët. Kjo vizitë ka rëndësi të veçantë politike dhe strategjike, veçanërisht në një kohë sfidash të sigurisë dhe zhvillimit në rajon. Delegacioni amerikan vizitoi edhe Luginën e Preshevës, duke dërguar mesazh të qartë për vëmendjen ndaj diskriminimit dhe margjinalizimit që përballen shqiptarët atje. AFA thekson se lidhja Kosovë–SHBA mbetet një aleancë strategjike dhe historike, ndërsa angazhimi i kongresistit Self për avancimin e pozitës së Kosovës në arenën ndërkombëtare është një tregues i përkushtimit amerikan ndaj të ardhmes së shqiptarëve në rajon.