Kryeimami Naim Tërnava dhe Ipeshkvi Imzot Dodë Gjergji kanë shprehur mbështetjen e tyre të fortë për ish-krerët e UÇK-së, Hashim Thaçin, Kadri Veselin, Jakup Krasniqin dhe Rexhep Selimin, gjatë vizitës së tyre në Hagë. Platforma qytetare “Liria Ka Emër” ka bërë të ditur se krerët fetarë qëndrojnë pranë përfaqësuesve të saj dhe mbështesin luftën çlirimtare dhe të vërtetën historike në këtë proces gjyqësor që po hyn në fazën përfundimtare. Në këtë kontekst, “Liria Ka Emër” ka bërë thirrje që zëri i Kosovës të dëgjohet fuqishëm dhe ka paralajmëruar organizimin e “Marshit për Liri” më 12 shtator në Prishtinë, që do të nisë në orën 14:00 në sheshin “Skënderbeu”. Ky marsh synon të shprehë solidaritetin dhe kërkesën për drejtësi në mbështetje të ish-krerëve të UÇK-së.