Kryeprokurori i Shtetit, Zejnulla Gashi, zhvilloi një takim me kryetarin e Shoqatës së Prokurorëve të Kosovës, Naim Abazi, dhe anëtarët e kryesisë së saj, ku u diskutuan çështje kyçe për funksionimin dhe aktivitetet e shoqatës. Gjatë bisedimeve u trajtuan sfidat dhe nevojat që përballen prokurorët në ushtrimin e detyrave kushtetuese dhe ligjore. Kryeprokurori konfirmoi mbështetjen e plotë institucionale për shoqatën dhe shprehu gatishmërinë për bashkëpunim të ngushtë në adresimin e kërkesave legjitime të saj. Qëllimi kryesor është fuqizimi i pozitës dhe rolit të prokurorëve, si dhe mbrojtja e integritetit dhe pavarësisë së tyre në sistemin e drejtësisë.