Komisioni Qendror i Zgjedhjeve (KQZ) ka bërë me dije se rreth 120 mijë fletëvotime nga kategori të ndryshme të votimit nuk janë përfshirë ende në rezultatet e zgjedhjeve të parakohshme të 7 qershorit. Këto fletëvotime përfshijnë votat e dhëna jashtë Kosovës në përfaqësi diplomatike dhe me postë, votimin me kusht në vendvotime të caktuara, si dhe votat e personave me nevoja të veçanta. Para se të numërohen, këto vota i nënshtrohen një procesi rigoroz verifikimi për të siguruar vlefshmërinë dhe për të parandaluar votimin e dyfishtë.