Agjencia për Parandalimin e Korrupsionit (APK) njofton se tri ditë para përfundimit të afatit ligjor për deklarimin vjetor të pasurisë, mbi 1,400 zyrtarë publikë nuk e kanë përmbushur ende këtë detyrim. Nga 10,345 zyrtarë të obliguar, 7,482 e kanë përfunduar deklarimin, 1,394 janë në proces, ndërsa 1,469 nuk e kanë filluar fare. Drejtori i APK-së, Yll Buleshkaj, paralajmëron se mosrespektimi i afatit do të sjellë gjobë mandatore prej 30% të pagës së subjektit dhe mund të çojë në hetime penale në rast vonesash mbi 15 ditë. Agjencia apelon që të gjithë zyrtarët të përfundojnë deklarimin menjëherë, duke theksuar se mosdeklarimi, vonesa apo pasaktësitë përbëjnë shkelje ligjore dhe do të trajtohen me masa administrative dhe procedura penale.