Legjislatura e dhjetë e Kuvendit të Kosovës, e cila u konstituua më 11 shkurt 2026, u bë jofunksionale brenda një muaji. Megjithatë, 104 deputetë morën pagë për muajin shkurt, duke arritur një total prej mbi 182 mijë eurosh, ndërsa edhe 26 zyrtarë të lartë personal të deputetëve u paguan rreth 14,600 euro. Edhe në legjislaturën e kaluar deputetët kanë kërkuar paga kalimtare, pasi ligji u mundëson atyre të marrin beneficione edhe kur nuk janë aktivë në punë. Ekspertët ekonomikë vlerësojnë se kjo situatë është një barrë e rëndë për buxhetin e shtetit dhe kërkojnë funksionalizimin e institucioneve dhe politika afatgjata për të shmangur pagesat për punë të pa bërë. Pas dështimit për zgjedhjen e presidentit, më 6 mars 2026, presidentja Vjosa Osmani shpërndau Kuvendin, duke përsëritur një veprim të ngjashëm nga legjislatura e nëntë.