Agjencia për Parandalimin e Korrupsionit (APK) ka njoftuar se procesi i deklarimit vjetor të pasurisë për vitin 2025 vazhdon me intensitet, ndërsa afati ligjor për përfundimin e tij është 31 mars 2026. Deri më tani, 2,876 zyrtarë publikë e kanë përfunduar deklarimin, ndërsa 1,964 të tjerë e kanë nisur procesin dhe janë ende në fazën e plotësimit të formularëve elektronikë. Një numër i konsiderueshëm zyrtarësh nuk e kanë filluar ende këtë obligim ligjor, ndërsa në total janë 10,353 zyrtarë të lartë publikë që duhet ta kryejnë deklarimin.