Deri në orën 15:00, mbi 311 mijë qytetarë kanë ushtruar të drejtën e votës në zgjedhjet e parakohshme që po mbahen këtë të diel në Kosovë, duke përbërë 15.88% të numrit total të votuesve të regjistruar. Kryeqyteti Prishtina udhëheq me numrin më të madh të votuesve, me mbi 219 mijë qytetarë që kanë votuar deri më tani. Procesi zgjedhor po zhvillohet në 949 qendra votimi me gjithsej 2,550 vendvotime, ku 911 qendra me 2,498 vendvotime janë për votimin e rregullt, ndërsa 38 qendra me 52 vendvotime janë dedikuar për votimin me kusht. Të drejtën e votës në këto zgjedhje e kanë gjithsej 2,092,174 qytetarë në të gjithë Kosovën.