Komisioni Qendror i Zgjedhjeve (KQZ) ka përfunduar vlerësimin e mbi 7 mijë pakove me fletëvotime të dërguara nga diaspora përmes postës, prej të cilave 7,153 janë aprovuar për numërim, ndërsa 142 janë refuzuar kryesisht për shkak të mungesës së dëftesës së regjistrimit. Procesi i verifikimit nisi më 9 qershor dhe synon të sigurojë që vetëm votat e regjistruara të përfshihen në numërim, ndërsa pas përfundimit të tij do të publikohet numri përfundimtar i pakove të vlefshme. Më 8 qershor u mbyll edhe faza e tërheqjes së pakove nga 23 kuti postare të vendosura në 22 shtete dhe në Kosovë, ku janë mbledhur mbi 85,700 pako të supozuara me fletëvotime. Gjatë periudhës së regjistrimit nga 6 deri më 17 maj, mbi 104,000 shtetas kanë bërë regjistrimin për votim me postë në zgjedhjet e parakohshme për Kuvendin e Kosovës, ndërsa mbi 20,000 prej tyre kanë votuar në përfaqësi diplomatike.